Muslimalar forumi

• Bismillahir Rohmanir Rohiym!

Oisha писал(а): Post qilish qoidalari:

1. Avval ko‘p muhokama qilingan mavzuni post qilmaslik uchun forumdagi mavzularni o’qib chiqish tavsiya qilinadi;
2. Forum «Izlash» imkoniyatiga ega – avvalgi muhokama qilingan mavzularni ko‘rish uchun ushbu imkoniyatdan foydalaning;
3. Islom odoblariga rioya qiling (bir biringizga xolis munosabatda bo‘ling).
4. Postlarni yuborishingizdan avval yaxshilab o‘ylab qayta o‘qib chiqing. Kerak bo’lsa tahrir yoki o’chirish imkoniyatidan foydalaning;*
5. Mualliflik huquqiga rioya qiling. Post qilayotgan ma’lumotingiz o’zingizga tegishli bo’lmasa, muallifi va manbasini albatta kiriting;
6. Hazil qilmoqchi bo’lsangiz boshqalar noto’g’ri tushunib qolmasliklariga amin bo’ling va shariat doirasidan chiqib ketmang.
7. Post qilishingizdan yoki yangi mavzu ochishingizdan avval bo‘lim sharhini o’qing, ya’ni mavzuga muvofiq bo‘limga post qiling;
8. Ba’zi narsalarni takroran har xil bo‘limlarda post qilmang, ular o‘chirib tashlanadi.
9. A’zolar normal shriftdan foydalanishlari, smayliklarni, katta kichik, rangli matnlarni haddan ortiq miqdorda ishlatmasliklari, shuningdek imlo qoidalariga e’tibor berishlari zarur.
10. Forumdagi barcha fikr va mulohazalar ularning mualliflariga tegishlidir va faqat mualliflargina o‘z postlariga javobgardirlar; Hech bir shart va sabablar bilan forum muhtasiblari post mualliflari fikrlari uchun mukallaf qilinishlari mumkin emas;
11. Xabar muallifining qarashlarini ifodalovchi xabarlar, forum qarashlariga mos kelmasligi mumkin. Postlarda qarshilikni sezgan foydalanuvchilar muhtasiblarga email yoki shaxsiy xabar orqali bog’lanishlari yoki xabar haqida forumda arz qilishlari mumkin;
12. Biror bir ma’lumot yoki mavzuni yolg’on ekanligini bilgan holda post qilmang;
13. Butun post matnida faqat katta harflarni ishlatish taqiqlanadi, bu boshqalarga «qattiq gapirish, baqirish» deb hisoblanadi, lekin postdagi ba’zi so’z yoki iboralarni ajratib ko’rsatish, urg’u berish uchun katta harflardan foydalanishingiz mumkin;
14. Avvaldan muhokama qilinayotgan masala uchun yangi mavzu ochmang, bir masala yuzasidan bitta mavzuda muhokama olib boring;
15. Forumda ilmsiz holda va dalil isbotsiz fatvo berish, boshqa olimlarning fatvolarini tahlil qilish man qilinadi. Ammo mashhur olimlarning fatvolarini manbasini ko‘rsatgan holda post qilish mumkin;
16. Forumda bir necha ismlardan foydalanib, bir emas balki boshqa-boshqa inson degan fikrni yuzaga keltirish, yolg’on hisoblanadi va bunday ishtirokchi forumdan chetlatiladi;
17. Forumda ishtirokchilar bilan urishish-janjallashish man qilinadi;
18. Agar ishtirokchilardan qaysi biri ushbu qoidalarga sovuqqonlik bilan qarayotgani sezilsa, ko‘pi bilan uch marotaba ogohlantiriladi, keyin forumdan chetlashtiriladi;
19. Fikr va mulohazalaringizni erkin ifodalashlaringiz mumkin. Biz o’zimizda forum qoidalariga zid postlarni lozim topilsa hech qanday ogohlantirish va tushuntirishlarsiz o’chirib tashlash huquqini saqlab qolamiz;
20. Forumdan kimnidir chetlatish ikki muhtasibning taklifi bilan amalga oshiriladi;


Eslatma:

Ushbu qoidalar to‘liq emas va istalgan vaqtda o‘zgartirilishi mumkin. Shuning uchun ushbu qoidalarni muntazam ravishda ko‘rib turishingizni so’raymiz.

*avvalgi forumimizda uchragan eng ko'p xatoliklar tagiga chizib ko'rsatildi

Gulshoda писал(а): Assalomu alaykum. Forum foydalanuvchilari, iltimos, avval boshqa joyda qo'yilgan ma'lumotlarni qo'ymasangiz. Iloji boricha shaxsiy fikr-mulohazalar, tajribalaringizni o'rtoqlashsangiz.